Plovdiv në Bullgari dhe Matera në Itali, janë dy qytetet me trashëgimi të pasur historike dhe kulturore, të përzgjedhura për të qenë me statusin “Kryeqyteti Evropian i Kulturës” për vitin e saponisur, 2019.
“Kryeqyteti Evropian i Kulturës” është një nismë e Bashkimit Evropian, e cila ka për qëllim që të nxjerrë në pah pasurinë dhe larminë e zhvillimit artistik e qyteteve evropiane, si dhe aspektet e përbashkëta kulturore të Evropës, për të kontribuar në afrimin dhe mirëkuptimin e ndërsjellë të popujve të saj.
Matera është një qytet me 60.000 banorë në jug të Italisë, dhe është i njohur për lagjet e saj të lashta, ku në zemër të tyre është një shkëmb gjigand me një shpellë e një manastir.
Ky qytet është nën mbrojtjen e UNESCO-s që nga viti 1993.
Pesë tema kryesore do shoqërojnë statusin e tij në kuadër të “Kryeqytetit të Kulturës”: lashtësia, vazhdimësia, reflektimi, utopia dhe dystopia.
Ndërsa Plovdivi është qyteti i parë bullgar me titullin “Kryeqyteti Evropian i Kulturës”
Eshtë i vendosur në pjesën jugore të Plovdivit në Traki, në brigjet e lumit Marica dhe është qyteti i dytë më i madh në vend me rreth 345,000 banorë.
“Pas marrjes përsipër presidencën e Këshillit të BE-së (në mes të janarit dhe qershorit 2019) ‘Plovdiv 2019’ është ngjarja më e madhe dhe më e rëndësishme për Bullgarinë”, thotë eurodeputeti Andrey Kovaçev.
“Së bashku” është sllogani i Plovdivit, një projekt dhe përfshin katër platforma tematike: integrimin e grupeve etnike dhe të minoriteteve dhe të gjeneratave të ndryshme dhe grupeve sociale, ringjalljen e hapësirave të harruara urbane, ruajtjen e trashëgimisë historike dhe zgjerimin e qasjes në kulturën dhe promovimin e jetesës të qëndrueshme, jetën e ngadalshme, ushqim të ngadaltë dhe një ekonomi të qëndrueshme.
Qyteti ka në plan më shumë se 30 projekte dhe rreth 500 ngjarje në më shumë se 70 vende në qytet.
Titulli i Kryeqyteti Evropian i Kulturës jepet çdo vit për nga një qytet në dy shtete anëtare të BE-së. Në vitin 2020, këtë titull pritet të marrë Rijeka në Kroaaci dhe Galëay në Irlandë. /tesheshi.com/
