Një ditë pasi kreu i partisë shqiptare në pushtet, BDI-së, Ali Ahmeti së bashku me funksionarët e kësaj partie u sulmuan nga banorët e qytetit të Kumanovës, me ç‘rast edhe i detyruan ta shtyjnë orarin e tubimit parazgjedhor, sot shefi i kabinetit të Ali Ahmetit, një ndër eksponentët kryesore të BDI-së, Artan Grubi ka komentuar këtë ndodhi.
Sipas tij, Ali Ahmeti dje nuk është sulmuar nga populli kumanovarë, por nga disa komplotistë dashakeq, ndërsa populli e mikpriti komandantin e tyre legjendar.
Ja edhe postimi i tij i plotë në rrjetin social facebook:
“Në vitin 2001, forcat policoro-ushtarake dhe paramilitare e sulmonin çdo ditë, por populli ishte me të. Në vitin 2002 e gjer në vitin 2006, partitë maqedonase e sulmonin, por populli përsëri u rreshtua pas tij. Në vitin 2008, kasaphanja i organizoi atentat, por përgjigja e popullit ndaj komplotistëve ishte e fuqishme duke i vërshuar kutitë e votimit për t’iu dëshmuar dashakeqësve që janë me atë. Edhe dje, provuan ca komplotistē të infiltruar nga ca partiçka me provinienca të dyshimta duke keqpërdorur emocione familjare, por përgjigja e kumanovarëve ishte e duhura, njejtë si gjithëmonë, ato thanë ne jemi me Ali Ahmetin dhe ai është biri ynë. Asnjë qindarkë dhe agjendë e huaj nuk ju ndihmon në qëllimet e juaja kundër komandantit legjendar, Ali Ahmetit sepse me të është populli”, ka shkruar, Artan Grubi, në rrjetin social facebook. /tesheshi.com/
