Një nga ish-eksponentët e njohur të lëvizjes së Dhjetorit ’90, Arian Manahasa, ka gjetur një formë të veçantë për të shprehur zhgënjimin e tij ndaj PD-së, në kuadër të përvjetorit të 26-të të themelimit të kësaj partie, e dalë pikëisht nga protestat anti-komuniste të studentëve, pjesë e së cilës ka qenë dhe Manahasa. Ai ka veçuar me anë të një mesazhi praninë pas 26 vitesh të Kastriot Islamit në radhët e demokratëve.
“Kush e mendonte ate nate se pas 26 vitesh … himnin kombetar ne festen e PD do ta kendonte Kaçi…”
Ka shkruar pra kështu Manahasa, duke postuar dhe një foto të rrallë, ku Berisha qëndron pas Azem Hajdari dhe Gramoz Pashko, të dy të larguar nga kjo jetë, njëri me atentat e tjetri aksidentalisht. Vetë ai është në të djathtë të Hajdarit /tesheshi.com/
