Ky 23 tetor shënoi 150-vjetorin e lindjes së At Gjergj Fishtës, poetit tonë kombëtar i cili ka lënë një korpus veprash me vlera të jashtëzakonshme në poezi, prozë e dramaturgji, por edhe në fushën e përkthimit, arteve pamore dhe arkitekturë, kritikë, estetikë, histori dhe diplomaci krahas veprimtarisë së tij fetare që prej rinisë së hershme.
Vepra e tij më e famshme mbetet “Lahuta e Malcisë”, dorëshkrimi i së cilës bashkë me shumë vepra të tjera tw Fishtws, ruhen në Arkivin Qendror të Shtetit.
Në përvjetorin e tij të lindjes do të sjellim një kolazh prej dorëshkrimve e skicave që ruhen në fondin e tij personal në këtë arkiv, duke veccuar pak vargje që ai ka vendosur në krye të dorëshkrimti të “Lahutës së Malcisë”, përmes të cilave ai deklaron se është autori i kësaj poeme epike madhështore.
Ja çfarë shkruan At Fishta në kopertinën e dorëshkrimit të “Lahutës së Malcisë”:
Shcuptar!
Ket kange vete e kam shkrue
Pa m’thuej cha kam fitue?
Idhnim e t’chame krejet
Me t’baa me dalun fejet!
E pra tash kallzon moti
Se a kjech kangtaar i zoti
Por s’asht per t’u chuditun
Pse kuur mi dhee t’kalitun
Krye-kungujt vehen t’pare
Vaj halli! per kangtare…
Ani, krye-kungujt desin,
Por kanget e mia jesin
(Nënshkrimi): Fishta
Më poshtë sjellim disa prej faqeve nga dorëshkrimet dhe skicat e tij të ruajtura në arkiv:
1) Nënshkrimi në vargje i at Gjergj Fishtës në kopertinën e dorëshkrimit të tij “Lahuta e Malcisë”.
2) Kuvendi i Franceskanëve në Gjuhadol, vizatim me laps i At Gjergj Fishtës.
3) Nga dorëshkrimi i veprës “Juda Makabe”.
4) Një faqe prej dorëshkrimit të veprës “Gomari i Babatasit”.
5) Skicë e At Gjergj Fishtës në një prej faqeve të dorëshkrimit “Gomari i Baba Tasit”.
/tesheshi.com/
