Shqiptarët e Malit të Zi po zhvillojnë kohët e fundit aktivitete të shumta në kuadër të 104 vjetorit të Kryengritjes së Malsisë, e cila ishte njëkohësisht edhe për çlirimin e Shqipërisë dhe për të parandaluar copëtimin nga sllavët, i cili ndodhi më pas në Konferencën e Londrës. Portali “tesheshi.com” ka siguruar një kopje autentike të revistës “Leka” përkatësisht nr.11, e vitit 1932 e cila ka një listë të pjesëtarëve të Luftës për Liri e Pavarësi.
Për nder të 104 vjetorit të Kryengritjes së Malsisë, shoqëria artistike “Dedë Gjon Luli” me përkrahjen e Këshilit kombëtar të shqiptarëve organizon program artistik. Ky program do të mbahet me datën 6 prill në ora 20.00 në restoranin “Troja” në Tuz. Në këtë veprimtari patriotike do të jenë këmbëgarët e njohur epikë si Lindon Camaj dhe Ilir Shaqiri si dhe aktori i mirënjohur shqiptar Mirush Kabashi.
(tesheshi.com)
