Palët politike kundërshtare në Shqipëri kujtuan sot përvjetorin e anëtarësimit në NATO. Për Bashën, kjo i dedikohet PD-së
“Atëherë askush nuk e besonte, por ne e bëmë realitet. Ne shqiptarët e dimë kush jemi, e kemi treguar veten në ditë të vështira dhe kemi fituar. Misioni i ri: Bashkimi Evropian”, shkruan Basha.
Ndërkohë, zëra nga mazhoranca nuk ndihen të kompeksuara nga ky fakt, pasi sipas tyre, në 2009 thjesht u finalizua një proces i nisur vite më parë, edhe nën qeverisjen socialiste.
“Sot është një datë historike në rrugëtimin euro-atlantik të Shqipërisë. Pas përfundimit të ratifikimit të protokollit të anëtarësimit nga të gjitha vendet anëtare dhe depozitimit të instrumentit të aderimit në NATO në Departamentin Amerikan të Shtetit, Shqipëria u anëtarësua zyrtarisht në NATO më 1 prill 2009.
Shqipëria mori për herë të parë pjesë si anëtare me të drejta të plota e Organizatës së Traktatit të Atlantikut Verior në samitin e Strasbourg/Kehl, më 4 prill 2009.
Më 7 prill 2009, në Bruksel, u zhvillua ceremonia zyrtare e ngritjes së flamurit të Shqipërisë në NATO”, shkruan kryeparlamentari Ruçi. /tesheshi.com/
