Vetëvendosje organizoi një tubim në përkujtim të themelimit të saj dhe çlirimit të Kosovës, nga ky, kreu Albin Kurti përçoi akuza të rënda, edhe për ndërkombëtarët edhe për politikën e brendshme, duke veçuar padyshim presidentin Thaçi.,
“12 qershori është dita e çlirimit të Kosovës nga Serbia. Por, pas çlirimit nga okupatori i jashtëm erdhi një sundim nga brenda; njëherë përmes UNMIK-ut i cili nuk solli as zhvillim demokratik e as progres ekonomik , e më pastaj përmes një kaste të politikanëve të cilët u pasuruan përmes korrupsionit dhe bëjnë jetën e të pasurit në një shtet të varfër. Kemi një sistem gjyqësor ku blihet drejtësia dhe pastrohen kriminelët”, u shpreh njeriu që qeverisë Kosovën për afro tre muaj, pa mundur të vijojë më tej.
Duke u ndalur te Thaçi, ai nuk nguroi të cilësonte si “hajn”, duke zgjedhur, siç dhe vetë e pranoi, të bëjë prokurorin.
“Në javën e kaluar presidenti ka ngritur një dilemë, e ka ngritur dilemën nëse është hajn apo nuk është hajn?
Ne nuk kemi ende prokurori të guximshme që do ta vërtetonte hajninë e presidentit.
Që të mos e lëmë pa zgjidhur atë dilemë, Presidenti është hajn…!”, ishin fjalët e Kurtit. /tesheshi.com/
