Gati 400 njerëz kanë vdekur në Hollandë gjatë valës rekord të të nxehtit që goditi Evropën në fund të korrikut, raporton CBS.
Një total prej 2.964 njerëz vdiqën gjatë po të njëjtës valë nxehtësise në Evropë duke filluar nga e diela e 22 korrikut, që është rreth 15 përqind më shumë se mesatarja javore gjatë verës, raporton Reuters.
Rekordet e temperaturave filluan të regjistroheshin në të gjithë Evropën në fund të korrikut dhe tejkaluan 40 gradë, dhe në Hollandë kjo filloi më 25 korrik.
Numri i vdekjeve në Hollandë gjatë asaj jave është i krahasueshëm me normën gjatë dy valëve të nxehtësisë në vitin 2006, të cilat ishin ndër më të gjatat të regjistruara ndonjëherë në vend, sipas CBS.
Rreth 300 persona të vdekur janë njerëz mbi 80 vjeç, dhe shumica e vdekjeve kanë ndodhur në lindje të Hollandës ku temperaturat janë më të larta dhe ku vala e nxehtësisë zgjat më shumë se në pjesët e tjera të vendit.
Ekspertët e klimës kanë paralajmëruar se temperaturat e tilla të larta mund të bëhen të zakonshme për shkak të ngrohjes globale. /tesheshi.com/
