Njerëzit që thithin kanabis kanë gjasa të mëdha që të përjetojnë sulm në zemër, sipas një studimi të ri. Hulumtuesit nga SHBA gjetën se njerëzit që konsumojnë kanabis rreth pesë vjet në të ’30-at e tyre të hershme, kanë një shans 4.6 për qind më të madh të zhvillimit të sëmundjeve kardiovaskulare se sa ata që nuk pinë duhan me këtë përbërës.
Ata që konsumojnë kanabis në fund të të ’20-ave kanë një shans 3 herë më të madh për të përjetuar një sulm në zemër. Deri më tani, efektet afatgjata të konsumimit të kanabisit janë fokusuar në lidhjen me çrregullime në shëndetin mendor të tilla si depresioni apo skizofrenia, por një studim i ri i cili është prezantuar në konferencën vjetore të kardiologëve amerikan në Uashington, tregon për dëmtime të rënda fizike.
Hulumtimi përpiloi të dhënat e 210,000 përdoruesve të kanabisit me 10 milionë njerëz që nuk e përdorin atë. Njerëzit që konsumojnë substancën e gjelbër kanë presion më të lartë të gjakut sesa ata që nuk e përdorin, pijnë më shumë, pinë duhan dhe kanë më shpesh diabetin e tipit 2. E gjithë kjo rrit mundësinë e sulmit në zemër. Ata u krahasuan sipas mënyrave të ngjashme të jetës.
“Deri tani ka pasur pak studime mbi efektet e kanabisit në sistemin kardiovaskular dhe ky është hapi i parë i mëtejshëm në studimin e kësaj droge”, tha udhëheqësi i studimit dr. Tarek Chami. /tesheshi.com/
