Pakënaqësitë dhe revolta e qytetarëve ndaj autoriteteve qeveritare në Maqedoni nuk kanë fund. Pas protestave të njëpasnjëshme të sektorit civil dhe partive opozitare kundër pushtetit, në të cilat si shenjë revolucioni janë ngjyrosur me ngjyra të ndryshme thuajse gjitha institucionet shtetërore, së fundmi është regjistruar edhe një incident.
Siç informojnë nga MPB-ja, mbrëmë, rreth orës 1.30, në polici është denoncuar se në objektin në rrugën “Vostaniqka” ku është e vendosur selia e partisë “VMRO-DPMNE”, nga ana e disa personave të panjohur janë thyer xhamat te dera hyrëse dhe dritaret anësore nga të dyja anët e derës.
Në ndërkohë nga Sektori Policor Shkup informojnë se po punohet në zbardhjen e plotë të rastit. /tesheshi.com/
