Hyrja e Gjirokastrës mund të konsiderohet si më impresionuesja nën afshin atdhetar që zgjon festa e Pavarësisë.
Një kuqëlim prej flamujve në anë, vendosur pranë e pranë, i ka dhënë një nur unik hyrjes së qytetit të gurtë, në fakt një prej kryeveprave arkitektonike të stilit osman, prej vitesh dhe në UNESCO mu për veçantinë e tij të lagjeve dhe banesave karakteristike, të pangjashme në lloj, vendosur në shpatin e Malit të Gjerë.
Një detaj tjetër interesant janë portretet murale të baballarëve të kombit, krijime të freskëta nga njw artist i ri, të cilat do jenë aty dhe kur flamujt të hiqen pas përfundimit të festave. /tesheshi.com/
