Nga Bujar M. Hoxha
Nëse të dielën fiton kryeministri aktual, ka për të mbijetuar njëfarë idealizmi…
Nuk ka për të patur përmbysje të administratës, nuk ka për të patur ndërprerje të projekteve, nuk ka për t’u bërë nami…
Kryeministrit do t’i jepet mundësia ta çojë në fund idealin e tij për një Shqipëri shumë më tjetër…
Nuk do të ketë të djegur për karrige e plaçkë…
Do të na drejtojnë këta që janë… E keqja më e vogël (duhet zgjedhur dhe kjo kur nuk ka mundësi tjetër)… Së paku një idealist, sado të jetë…
Nëse të dielën fiton pretendenti për kryeministër, do t’i japim pushtet një njeriu me maskë, të vendosur për t’iu paraqitur njerëzve ndryshe nga ç’është, të paaftë për të treguar deri më sot se ç’pikë të fortë ka e çfarë aftësish zotëron përveç falsitetit dhe hipokrizisë.
Nëse të dielën fiton pretendenti për kryeministër, do të duhet të durojmë për katër vite ligjërimin e tij të tmerrshëm. Do të duhet të durojmë njeriun që nuk do të ketë mundësi të jetë as hija e vetvetes, sepse që prej hyrjes në politikë është peng i dhuratave të bëra për të mohuar vetveten. Do të duhet të durojmë librin njëqindfletësh, manualin se si nuk duhet shkruar një libër…
Revanshizëm… Kanë për të rimarrë frymë hiena në kërkim të pushtetit për hir të pushtetit…
Ka për të rimarrë jetë një skotë… Fahrinjtë…
Ka për t’u ricikluar një… Me gjithçka që mban brenda… Xhelalët… Salianjët…
Nëse të dielën humbet kryeministri aktual, vërtet do të heqim qafe arrogantin, por në të njëjtën kohë do të biem prej shiut në breshër, pasi do të kemi mbi shpinë një mediokër klasik, bashkë me arrivistët e paduruar për të na plaçkitur…
Nëse të dielën humbet pretendenti për kryeministër, do të jetë një humbje më pak për njerëzinë…
Të dielën është një provë karakteri (për të cituar kryeministrin aktual, dhe në pamundësi për të gjetur diçka për t’u nënvizuar prej pretendentit për t’i marrë postin)…
Të dielën o do të na vënë poshtë, o do të shpëtojmë prej tyre…
Nëse…/tesheshi.com/
