Policia greke në kufirin me Turqinë përdori sërish gaz lotësjellës dhe topa uji për të penguar qindra migrantë të bllokuar nga pala turke, të cilët po përpiqeshin të rrëzonin një gardh kufitar dhe të hynin në Greqi.
Përplasjet ndodhën në afërsi të vendkalimit kufitar të Kastanshit.
Rreth 2,000 migrantë janë stacionuar prej disa javësh në anën turke të kufirit, pasi Turqia shpalli të hapur kufirin e saj për në Evropë, duke i lënë të lirë migrantët dhe refugjatët që të përpiqen të kalojnë në Greqi.
Dhjetëra mijëra njerëz kanë bërë rrugën e tyre drejt kufirit, megjithë insistimin e Greqisë që kufiri i saj lindor me Turqinë, që është edhe kufiri i jashtëm i Bashkimit Evropian, të mbetet i mbyllur.
Masa vijon pas muajsh kërcënimesh nga Presidenti turk Rexhep Tajip Erdogan për të lejuar miliona refugjatë të hyjnë në Evropë nëse BE-ja nuk siguron mbështetje më të madhe për Turqinë. /tesheshi.com/
