Të ushqyerit natën vonë është duke vënë miliona njerëz në rrezik nga sulmet në zemrër dhe tru, thonë ekspertët.
Sipas studiuesve, të ngrënit natën vonë mban organizmin tonë në aktivitet të sforcuar, kur në fakt duhet të ngadalësojë çdo veprimtari para kohës së gjumit.
Ekspertët e zemrës kanë këshilluar që të rriturit nuk duhet të hanë minimumi dy orë para gjumit, madje ideale do të ishte të mos hanë fare pas orës 19:00.
Tek personi i shëndoshë, shtypja e gjakut bie për 10%, në momentin kur ata bijnë për të fjetur.
Por rezultatet e studimit të më shumë se 700 personave me shtypje të lartë, të moshës mesatare 53-vjeçare, kanë gjetur se të ushqyerit brenda dy orëve para gjumit, ka ndikuar që shtypja e gjakut të mbetet e lartë.
Ekspertët thonë se kjo ndodh për shkak se të ngrënit ndikon në lirimin e hormoneve të stresit, në kohën kur organizmi në fakt duhet të përgatitet për të rënë në gjumë.
Njerëzit, të cilët kanë shtypjen e lartë të gjakut janë të ekspozuar ndaj sëmundjeve të zemrës, ndërkaq, nëse shtypja nuk bie gjatë natës, (siç duhet të ndodhë në organizmin normal)m rreziku vjen duke u shtuar. Ndaj, personat të cilët kanë e kanë shprehi të hanë natën vonë, janë trefish më të ekspozuar ndaj këtij rreziku, konkludojnë ekspertët.
Dr. Ebru Özpelit, gjatë prezantimit të rezultateve të saj në një kongres të Shoqatës Evropiane të Kardiologëve në Romë, thotë: “Nëse hamë vonë, organizmi “vendoset në gjendje gatishmërie” sikurse gjatë ditës, në vend që të përgatitet për të fjetur.
Ajo këshillon që personat që kanë probleme me shtypje të gjakut duhet të kenë kujdes, ngase, siç thotë ajo, mënyra si hamë është po aq me rëndësi sa edhe ushqimi që hamë.
“Dreka dhe darka janë të rëndësishme, por darka duhet të jetë e lehtë, dhe ajo nuk duhet të konsumohet pas orës 19:00”, këshillon mjekja turke.
Hulumtimet e mëparshme kanë treguar se darka e hershme zvogëlon rrezikun nga kanceri i gjirit, uljen e nivelit të sheqerit dhe djegjen e kalorive. /tesheshi.com/
