Pas një gjumi të orëve të vona dhe një nate aspak qetësuese të gjithë tundohemi ta fikim alarmin e ziles. Mos u tundoni, duroni se përndryshe do jetë më keq për ju!
Mary A. Carskadon, doktorant dhe profesor psikiatrie në Brown University shpjegon për Huffington Post se fikja e ziles shkakton “ankthin e ziles” ose fenomeni i të fjeturit dhe zgjuarit disa herë në mëngjes. Nëse keni për t’u çuar në mëngjes në një orar të caktuar mos e vendosni orën shumë minuta përpara në mënyrë që ta fikni dhe të çoheni më vonë; vendoseni në orarin që keni për t’u zgjuar dhe mos e fikni më zilen.
Trupi ynë fillon e ngrohet disa orë para zgjimit të zakonshëm dhe nëse ju e vendosni zilen më herët do të ndjeni ftohtë dhe nuk do ketë gjë më të tmerrshme se të dilni prej atij shtrati të ngrohtë. Dhe akoma më keq: ajo kotja pasi keni fikur zilen mund të kthehet në një stad më të thellë të gjumit dhe rizgjimi do jetë akoma më i vështirë se zgjimi i parë. Kështu ju ç’orientoni organizmin tuaj dhe orën tuaj biologjike. Nëse ndodh, nuk është fundi i botës keni gjithmonë kafen si shpëtimtare. /tesheshi.com/
