Kjo lloj tradite e ka origjinën në vitin 1845 kur ligji për të votuar ditën e martë pas të hënës së parë të muajit nënotr u miratua nga kongresi i atëhershëm.
Po përse pikërisht ditë marte? Sepse amerikanët kanë qenë bujq të krishterë që planifikonin udhëtimet e tyre në bazë të vigjiljes së shtunës (Sabbath). Ndërkohë e diela ishte për meshën kështu që u duhej një ditë udhëtim për të votuar dhe nuk do të mbërrinin dot në kohë nëse votimi do të bëhej të hënën.
Përse në nëntor? Sepse fermerët përfundonin të korrat e vjeshtës pikërisht në fillim nëntori. Gjithashtu në nëntor koha ishte e përshtatshme për të udhëtuar. Shirat e vjeshtës kishin përfunduar tashmë dhe dimri ende nuk kishte dhënë ndonjë shenjë shqetësuese për udhëtime.
Po përse të martën pas të hënës të parë dhe jo të martën e parë të muajit? Mendohet se ligjëvënësit e asaj kohe vendosën këtë ditë duke u bazuar në treshen e shenjtë për amerikanët: feja, biznesi dhe politika. Ata nuk dëshironin që dita e zgjedhjeve të përkonte me 1 nëntorin, ditën e gjithë shenjtorëve.
Nga ana tjetër, me 1 nëntor bëhej balanci i muajit të kaluar dhe bëheshin prenotime dhe porosi për muajin e ardhshëm gjë që do të ndikonte në numrin e ulët të pjesmarrësve në votime. Sot kjo lloj tradite është kritikuar si prapambetje madje në vitin 2005 është krijuar një fushatë e quajtur “Përse e marta?” duke lobuar për një ditë zgjedhje gjatë fundjavës. /tesheshi.com/
