Çdo të martë, në Carson Animal Shelter të Los Angeles, një strukturë e cila mirëpret shumë qen të braktisur, ndodh një mrekulli e vogël. Kafshët me katër këmbë, protagonistë të jetës së pafat, vizitohen nga një mik i veçantë. Ai quhet Jacob, është 6-vjeç dhe është një fëmijë autik. Ai ulet pranë qenit Pirate, kafsha e tij e preferuar dhe i lexon histori e tregime të ndryshme. “I pëlqen, e bën më të butë e më të ëmbël”, – thotë i vogli.
Nena e Jacob tregon për NBC se i biri adhuron të lexojë dhe kjo është gjëja e vetme për të cilën ai është i interesuar, pasi nuk i pëlqen të luajë me fëmijët e tjerë. Shkëmbimi i afeksionit me qentë, mbi të gjitha me pitbullin Pirate, bën një mrekulli të dyfishtë.
Që prej kohës që Jacob shkon në Carson, ka nisur të bëjë një progres të madh në komunikim. “U lexoj kafshëve dhe kështu ata mund të dalin nga kafazet e tyre dhe të gjejnë një shtëpi të re, pasi këtu janë shumë të vetmuar”, – rrëfen Jacob, duke treguar se e kupton botën më shumë se sa mund të pritet nga një fëmijë, veçanërisht kur është autik.
Për herë të parë ai ka shkuar me tezen e tij, rreth një vit më parë. Nga ai moment nuk mungon asnjë javë dhe kërkon vetë të shikojë e të takojë qentë. “Jacob është shumë i qetë. Vjen me librin dhe tapetin e tij, ulet pranë kafazeve të qenve dhe ata e dëgjojnë menjëherë”, – tregon njëra prej vullnetareve të qendrës. /tesheshi.com/
