Pas akuzave të ndërsjellta mes PS-së dhe LSI-së, për integrimin në Hipotekën e Vorës, Ministri teknik i Dejtësisë, Gazment Bardhi ka udhëruar kryerjen e një hetimi të plotë administrativ për rastin në fjalë.
Në një njoftim të sajin, kjo ministri sqaron se ky hetim ka si qëllim bërjen e transparencës së plotë mbi këtë çështje.
Ministria siguron të gjithë banorët e Bashkisë së Vorës se në rast konstatimi shkelje nga punonjësit e Zyrës Vendore të Regjistrimit të Pasurive të Paluajtshme, do të merren masa të menjëhershme disiplinore për secilin prej tyre, ndërsa i siguron qytetarët që kërkesat e tyre për pajisje me certikatë pronësie do të trajtohen në përputhje me ligjin, brenda afateve të caktuar nga ligji.
Gjatë ditës së sotme, Kryeministri Edi Rama dhe Nënkryetari i LSI, Luan Rama deklaruan se për motive politike apo shkaqe të tjera të paligjshme, po pengohen qytetarët të pajisjen me certikata pronësie, pavarësisht se janë pajisur më parë me certikatën e legalizimit të pasurisë së tyre./tesheshi.com/
