Lulzim Basha, kryetar i PD-së, ka reaguar në lidhje me zhvillimet në seancën parlamentare, ndërsa deputetët demokratë, vijojnë të qëndrojnë në sallë, me të njëjtin skenar si dhe 1 javë më parë. Basha paralajmëroi se opozita do të zbardhë të gjitha lidhjet e Edi Ramës me krimin, ndërsa akuzoi kryeministrin dhe kreun e Kuvendit për shkelje të rregullores për shkak të moslejimit të deputetëve të thonë fjalën e tyre.
“Opozita është gati ta ballafaqojë për herë të dytë radhazi me fakte Edi Ramën me krimin e organizuar shqiptar. Edi Rama e di këtë sepse ne e kemi paralajmëruar. Vendi për ta treguar është aty. Gramoz Ruçi shkeli rregulloren duke kërkuar përjashtimin e Flamur Nokës, sepse ky i fundit kërkoi zbatimin e rregullores nenin 49 për çështje të procedurës. Z.Noka u çua për të kërkuar zbatimin e rregullores sepse gjatë kohës së fliste z.Berisha ai përdori fjalor të rëndë. Dhe më rëndë nga ajo që raportoni ju, fjalor të një rrugaçi”, tha Basha. /tesheshi.com/
