Deputetja Rudina Hajdari shfaqi bindjen se ndaj saj po ka një skemë nga jashtë për ta eliminuar politikisht si bashkëkryetare e komisionit të Reformës Zgjedhore.
Në një dalje para medias për të sqaruar situatën e brendshme në grup parlamentar, ku një treshe kolegësh po e konsiderojnë të larguar si kryetare grupi, znj. Hajdari tha se ata po luajnë një lojë nga jashtë, që sipas saj ka për autorë Bashën.
“Janë tre persona që kanë për qëllim që të sabotojë Reformën Zgjedhore dhe këtu dalim tek Lulzim Basha. Eshtë një tentativë që të spostohet roli im. Këta persona që kërkojnë spostimin tim, nuk kanë dhënë asnjë kontribut në parlament. Kjo ishte një tentativë e imponuar dhe e programuar shumë mirë nga këta tre persona, Lita, Zeneli dhe Elezi. Këta tre persona nuk ka për ta shkatërruar opozitën, pavarësisht se po ndodh nga jashtë”, tha deputetja Hajdari. /tesheshi.com/
