TEC-i Vlorës, ndërtuar me bujë nën qeverisjen e Berishës, është përplasja e parë për 2019-ën mes mazhorancës dhe opozitës. E njohur si një vepër që nuk i realizoi pritshmëritë nga investimi 120 mijë euro, së paku me menaxhimin e deritanishëm, qeveria ka vendosur që ta japë atë me koncension. Dhe, reagimi i parë ka ardhur nga deputeti vlonjat Agron Shehaj.
“Me zero transparence, Rama dhe Gjiknuri kanë vendosur që TEC-in e Vlorës, i cili ka kushtuar deri tani mbi 120 milionë euro me paratë e shqiptarëve, për t’u ndërtuar e mirëmbajtur, t’ja japin në pronësi për 20 vjet një privati.
Detajet e këtoj koncensioni do të mësohen në ditët e ardhshme, por ajo që dihet sot është se qeveria kërkon që më datën 15 janar, të gjithë të interesuarit duhet të marrin pjesë në një vizitë në TEC në Vlorë, e cila është e detyrueshme për të marrë pjesë në tender. Se cila kompani e huaj mund të informohet, vlerësojë dhe vendosë brenda dy javësh në periudhë festash të dërgojë përfaqësues në Vlorë të Shqipërisë, e dinë vetëm Rama dhe Gjiknuri”, shkroi Shehaj.
Erdhi më pas reagimi i Ministrisë së Energjitikës, e cila sqaron se “në kuadër të transparencës ndaj opinionit publik, Ministria e Infrastrukturës dhe Energjisë sqaron se Komisioni i Dhënies me Koncesion të Termocentralit të Vlorës është ngritur dhe ka ushtruar funksionet e tij prej më shumë se një viti. Në bashkëpunim me konsulentët e Roland Berger është përgatitur Studimi i Fizibilitetit me të gjitha opsionet që shtrohen në diskutim për t’i dhënë zgjidhje ngërçit të trashëguar të Termocentralit të Vlorës”.
Për qeverisjen e Ramës, TEC-i i Vlorës është një kufomë energjtike e lënë nga Berisha në kurriz të shqiptarëve. /tesheshi.com/
