Pas vendimit për themelimin e universitetit “Nëna Terezë” në Shkup, politika maqedonase është trazuar së fundi dhe nga projektligji i Ministrisë së Arsimit për themelimin e universitetit për Mbrojtje dhe Siguri “Damjan Gruev”.
Reagimi i parë erdhi nga Partia Demokratike e Thaçit që akuzoi ministrin Abdilaqim Ademi të BDI-së, se po shkel vullnetin e shqiptarëve duke hapur institucione arsimore vetëm për maqedonasit.
“Ky është kontrabandim i vullnetit të shqiptarëve. Ne kemi propozuar amendamente që në esencë do ta ndryshojnë karakterin e këtij universiteti. Amendamentet tona kanë të bëjnë me emërtimin, kërkojmë gjuha shqipe të jetë gjuhë pune në këtë universitet dhe natyrisht edhe përfaqësimin e drejtë të shqiptarëve”, tha deputeti Orhan Ibrahimi.
Ndërkohë, edhe opozita maqedonase pati ankesat e saj. “LSDM-ja dhe opozita nuk do të lejojnë themelimin e universiteteve, qëllimi i të cilave është strehimi i ushtarëve partiakë të VMRO-DPMNE-së”, reagoi Goran Sugarevski, deputet i LSDM. /tesheshi.com/
