Aktivistët dhe politikanët francezë të së djathtës ekstreme sulmuan kompaninë ndërkombëtare të kozmetikës pasi ajo postoi një reklamë në platformat e saj duke promovuar “luftën e grave nën hixhab dhe të drejtën e tyre për të luajtur sport”.
Një profil në Instagram i quajtur Sephorafrance tregoi një takim me kolektivin Les Hijabeuses, i cili u themelua për të luftuar për të drejtat e grave nën hixhab për të luajtur sport.
Reklama tregon një intervistë me një nga anëtarët e kolektivit Les Hijabeuses teksa provon produktet kozmetike Sephora dhe flet për përvojën e saj me këtë ekip.
Ajo tregon se si në këtë mënyrë i është dhënë mundësia të ushtrojë sportin e saj të preferuar dhe të takojë njerëz që ndajnë pasionin e saj.
Bienvenue au club de la banalisation du voile islamique Séphora France.
Séphora France fait la promo des Hijabeuses et de leur "combat".
Accepter le hijab comme quelque chose de "normal" n'est pas une preuve de diversité culturelle et d'ouverture des sociétés européennes mais… pic.twitter.com/Z2If0odDmE— Waleed Al-husseini (@W_Alhusseini) September 11, 2023
Si përgjigje, aktivistët dhe politikanët francezë të së djathtës ekstreme nisën një fushatë duke bërë thirrje për një “bojkot të produkteve Sephora” pasi kompania promovoi atë që ata thanë se ishte “islamizëm” përmes hixhabit.
“Feminiteti është i papajtueshëm me islamizmin. Liria është e papajtueshme me islamizmin. Demokracia është e papajtueshme me islamizmin. Bojkoto Sephora-n”, ka shkruar zëdhënësi zyrtar i Aleancës Kombëtare të ekstremit të djathtë, Julien Odoul.
Philippe Vardon, një anëtar i partisë franceze të ekstremit të djathtë Reconquest, i dërgoi një letër Sephora-s duke pyetur: “A mund ta kuptojmë se çfarë ju bëri të promovoni hixhabin islam në sport? A jeni vërtet të sigurt që klientët tuaj duan që nënshtrimi ndaj ligjit të Sheriatit të bëhet simbol i lirisë?”
Nga ana tjetër, përdoruesit e rrjeteve sociale kritikuan sulmin ndaj kompanisë së kozmetikës, duke shprehur mbështetjen dhe inkurajimin e tyre.
“Shkoni për mjekim”
Përdoruesi i platformës X (ish-Twitter) Merve shkroi: “Ju keni një problem serioz mendor. Një beze e thjeshtë në kokë mund t’ju sjellë në këtë gjendje, madje as nuk e fshihni më islamofobinë tuaj. Shkoni të mjekoheni.”
Mona Malik shprehu admirimin e saj për reklamën dhe shkroi: “Jam e nderuar nga kjo reklamë. Unë kam një kartë Sephora VIP. Do të vij të shtunën, do të shpenzoj dhe do të blej gjëra nga atje.”
Një llogari e quajtur Heloise shkruante në një postim se kjo video është një mundësi e re për fashistët që të ekspozojnë absurditetin e tyre dhe dobësinë e tezave të tyre duke bojkotuar markat që luftojnë kundër islamofobisë dhe seksizmit.
Në janar 2022, Senati francez votoi një amendament të diskutueshëm që parashikon “një ndalim të veshjes së hixhabit gjatë garave sportive të organizuara nga federatat sportive të vendit”.
Amendamenti u miratua me 160 vota pro, shumica e të cilave ishin nga blloku i djathtë (Republikanët), ndërsa 143 anëtarë të Senatit e refuzuan.
Kjo ngjarje shkaktoi shumë zemërim në atë kohë në rrjetet sociale dhe protesta që çuan në themelimin e ekipit Les Hijabeuses, i cili lufton për idenë se gratë nën hixhab kanë të drejtë të luajnë sport.
Në qershor, Këshilli i Shtetit Francez mbështeti ndalimin e mbajtjes së hixhabit nga futbollistët./tesheshi.com/
