Ka nisur me një tension mbledhja e Konferencës së kryetarëve, pak para se të nisë seanca për miratimin e reformës në drejtësi.
Kjo është parë në çastin kur fjalën e ka marrë kryetari i komisionit të reformës, socialisti Fatmir Xhafa, i cili i është drejtuar në nëj çast vetë kreut të Kuvendit, Ilir Meta, me fjalët: Ule zërin!
Xhafa i ka kujtuar Metës se nuk vlen më fraza e tij “me qetësi e dashuri”. Kjo përplasje, ka qenë dhe pasqyrimi më real i krizës, jo vetëm politike në përgjithësi, por dhe i asaj mes PS-së dhe LSI-së, në këto orë të vështira të rrëzimit të një konsensusi të arritur dje në drekë, për miratimin e reformës në drejtësi. /tesheshi.com/
