Përplasje mes të dënuarve shqiptarë dhe grekë në burgun e Kretës.
Sikundër raportojnë mediat greke, një 29-vjeçar ka mbetur i plagosur në burgun Alikarnason, ndërsa autori është një shqiptar, 33 vjeç.
Mësohet se greku është qëlluar me shkelma në fytyrë dhe kokë, ndërsa autoritetet e burgur janë vënë në alarm, për shkak se mes të burgosurve ka një hasmëri të hershme.
Në prill të vitit 1999, në këtë burg u vra greku G. Sopasi dhe që atëherë shqiptarët nuk i fusin në qelitë kryesore të burgut. Kush transferohet për të qëndruar tranzit në këtë burg, mbahet në një sektor të veçantë.
Pikërisht 33-vjeçari shqiptar u transferua për të qëndruar një ditë, pasi kishte gjyqin në Kretë për grabitje me armë.
Ai kërkoi të drejtat e tij për të kaluar natën në qelitë kryesore të burgut dhe u fut në një qeli me grekun 29-vjeçar të dënuar me burgim të përjetshëm për vrasje.
Dyshohet se 33-vjeçari shqiptar është nxitur nga grupi i shqiptarëve që mbahen në sektor të veçantë me qellim për te treguar influencat e komandimit në burg. /tesheshi.com/
