Lëvizja Vetëvendosje akuzoi edhe një herë kryeministrin Mustafa se me nënshkrimin e Asocacionit të komunave serbe, ka nënshkruar federalizimin e Kosovës.
Në një takim të organizuar nga Vetëvendosje për këtë temë, morën pjesë edhe parti të tjera opozitare. Glauk Konjufca kërkoi nga partitë e tjera që ta kundërshtojnë politikën e copëzimit të Kosovës, pasi si tha ai, do të duhej që qeveritarët ta bënin një gjë të tillë, por ata e ushqyen edhe më shumë strategjinë, pasojë e së cilës është marrëveshja e Brukselit.
Nga ana tjetër, policia arrestoi katër aktivistë të Vetëvendosjes, ndërkohë që me anë të një deklarate njoftoi edhe identifikimin dhe arrestimin e shpejtë të përgjegjësve të rrëzimit të rrethimit të Kryeministrisë, një ditë më parë. Gjithashtu, u arrestua edhe aktivisti Kushtrim Daka
Nga ana e saj, Vetëvendosje i konsideroi këto arrestime masa të dhunshme të policisë të frymëzuara nga Isa Mustafa i cili me këto veprime po tensionon situatën.
/tesheshi.com/
