Vazhdojnë duke u thelluar akoma dhe më tej ndarjes mes PS-së dhe LSI-së, reflektuar në deklarata ku goditen ndërsjelltaz herë drejtëpëedrejt e herë me tërthorazi. Së fundi, është deputeti Taulant Balla, ai që ka deklaruar se të paktën në Qarkun e Elbasanit, rolin e opozitës po e kryen Lëvizja Socialiste për Integrim. Ai iu referuar pikërisht Monika Kryemadhit, e cila pritet të kandidojë në Elbasan, që sipas Ballës është duke u bërë opozitë e punës së dikastereve që drejton partia e saj.
“Mos ja qani hallin opozitës, të paktën në Elbasan, sepse e ka nisur fushatën. Nuk e di çdo të bëjë në qarqet e tjera, por Monika bën opozitë për dikasteret që janë përgjegjësi e partisë së saj. Monika Kryemadhi shkoi në Shushicë dhe u tha fermerëve që për bujqësinë nuk është bërë gjë, ndërkohë që Ministrinë e Bujqësisë dhe Agjencinë e Pagesave të Fermerëve e ka vetë LSI-ja”, tha Balla.
Ndërkohë, në deklarimet thumbuese të Kryemadhit, “Zonjës së Parë” të LSI-së, nuk kanë munguar së fundi edhe deklarimet me “drogë” politike Brenda, në mesazhet që “duhet mbjellë shafran dhe jo kanabis”, referuar një fermeri në Elbasan i cili kultivon shafranin, një bimë medicinale me vlerë të lartë në treg. /tesheshi.com/
