Reagon ministri i Ekonomisë, Arben Ahmetaj ndaj akuzave të opozitës, sipas të cilave ka qenë ai ndërmjetësi me kompaninë turke “Suzer”, në atë që PD e quan pazari me konçesionin e Skavicës.
“Nëse unë kam udhëtuar me charter me ndonjë biznesmen, përfshirë “Suzer”, jam gati të jap dorëheqjen. Le ta verifikojë Basha. Por nëse kjo është gënjeshtër, ti Luli çfarë bën, je gati ta shkurtosh hundën?!”, tha Ahmetaj, duke i cilësuar deklaratat e opozitës si sulme ndaj investitorëve të huaj.
Sipas ministrit Ahmetaj, PD është kundër zhvillimit të vendit dhe rritjes ekonomike, duke thënë se “meqë nuk ndodhi siç parashikonin skenarin grek, tani preferojnë skenarin e Pinokut!’’. /tesheshi.com/
