Anëtarja e KQZ-së, Edlira Jorgaqi, gjatë diskutimit të kërkesës së PS-LSI për shtyrjen e afatet të regjistrimit të partive dhe koalicioneve, deklaroi se shtyrja e datës është një precedent që ka ndodhur në Komisionin Qendror të Zgjedhjeve në vitin 2011 me votat e katër anëtarëve të PD-së, përkatësisht Arben Ristanit, Hysni Osmanajt, Vera Shtjefnit dhe Klement Zgurit.
Jorgaqi më pas nisi një vlerësim elaborativ të ligjit duke e krahasuar dhe me disa vendime të Gjykatës së Strazburgut që ka krijuar një precedent ku administrimi i zgjedhjeve i jep një mundësi procesit zgjedhor që të ecë përpara.
Jorgaqi theksoi se ligjvënësi nuk ka vendosur kufirin pengues të afateve pasi në fund rëndësi ka procesi dhe afati nuk është prekluziv por zbatues.
Ndërkaq, është zhvilluar një debat i ashpër në Komisionin Qendror të Zgjedhjeve në lidhje me shkresën e PS-së dhe LSI-së për shtyrjen e afatit të regjistrimeeve të partive politike.
Partia Demokratike kundërshton që të shtyhet afati i regjistrimit të koalicioneve, ndërkohë që përfaqësuesi i saj merr pjesë në KQZ edhe pse PD-ja ende nuk është e regjistruar.
Anëtari i KQZ-së, Bledar Skënderi, deklaroi se PD-ja ka shantazhuar KQZ-në duke dërguar një shkresë që akuzon institucionin. Skënderi tha që KQZ ende nuk e ka marrë në shqyrtim dhe, nëse do e marrë do të duhen 5 vota. /tesheshi.com/
