Pesë vjet më pas politika është përplasur keqas për 21 janarin. Në sallën e Kuvendit, Sali Berisha ish-kryeministër dhe nënkryetari i grupit parlamentar, Erion brace kanë shkëmbyer akzua dhe kundërakuza.
Berisha akuzoi Edi Ramën si organizator i protestës së dhunshme duke e cilësuar atë një puç shteti për të marrë pushtetin me dhunë, krimi dhe vrasjet tha Berisha, rendojnë mbi Edi Ramën.
“Sot është një ditë tjetër, e zezë në historinë tonë. Pas 84 vitesh, si sot 5 vjet më parë falangat e krimit bënë përpjekjen monstruoze të përmbysjes me dhunë të pushtetit, organizuan puçin famzi të 21 janarit. Bënë çdo gjë që të merrnin me dhunë pushtetin. Sulmuan institucionin e ekzekutivit me besimin e verbër se kryerkarrieristi do të mbante një fjalim te zyra.
Komunitetet ndërkombëtare e dënojnë si një përpjekje për të marrë me dhunë pushtetin.
Në këtë përpjekje, persona të paguar, të pajisur me mjete dhune sulmuan barbarisht për orë të tëra ndërtesën e kryeministrisë ku po punonte kreut i ekzekutivit, me shpresën dhe besimin e verbër se ai do ua lironte zyrën. Pra në këtë puç në të cilën morën pjesë dy krerë të tjerë të instutcioneve, ai i Presidencës dhe Prokurisë së Përgjithshme. Në këtë puç, i cili u shurdhua kreu i inteligjencës, në këtë puç që kishte synim kurorëzimin e Ramës, njëlloj si 84 vjet më parë, çka nuk mund të ndodhte.
Për fatkeqësinë më të madhe u vranë 4 qytetarë. Zhvillimet e mëvonshme treguan se Edi Rama sakrifikoi, i solli, luajti me zjarrin me qëllimin që të merrte pushtetin. Qytetarët e Tiranës do ta ndëshkonin atë në zgjedhjet e 8 majit”, tha Berisha.
Deputeti socialist Erion Braçe, nga ana e tij, bën përgjegjës ish kryeministrin Berisha si fajtorin kryesor për viktimat e shkaktuara në protestën e opozitës së 2011-tës. Madje sipas braces, ish kryeministri është edhe faktori kryesor që kjo çështje
“Është një histori e hetuar dhe gjykuar qëllimisht keq. Duhej të niste nga komandantët e pushkatarëve. Hetimi duhej të niste me ty, dhe me Lulzim Bashën, duhej të përfshinte gjithë hierarkinë që sic thua ti kishin krijuar perde zjarri. Sigurisht që duhej të përfshinte dhe pushkatarët që zbatuan urdhrat e tua. Nuk lejove ti hetimet. Vure nën thundër Prokurorin e Përgjithshëm, Presidentin, Gjykatën e Apelit, Gjykatën e Lartë. Bujar Nishanin e vure ti në krye të KLD-së për të emëruar ata gjyqtarë që doje ti.
Duhet të vijojmë me reformën në drejtësi. Për të liruar Gjykatën e Lartë e të tjerat që i kontrollon sërish ti. Ke folur për makinë me tritol dhe nuk gjete. Ke folur për plumba në godinën e kryeministrisë por nuk gjete Kujtova se do kishit ndonjë pendesë por ju nuk jeni nga ato që pendoheni”. /tesheshi.com/
