Në konferencën e përjavshme për shtyp, zhvendosur këtë të premte në buzëmbrëmje, presidenti Meta tha se ai do ishte i gatshëm të vinte në Këshillin Politik, porse jo me ftesa që sipas tij do ndjente turp dhe Haxhi Qamili.
“Nëse të gjithë anëtarët e këshillit kanë dëshirë, padyshim që presidenti është i gatshëm të shkojë dhe të japë mendimin e tij me interesin më të mirë të këtij procesi. Por këto lloj ftesa LB, IM dhe OP, edhe Haxhi Qamilit do i vinte turp”, tha Meta.
Kreu i shtetit dhe njëherë kundërshtoi ndryshimet e pritshme kushtetuese në funksion të hapjes së listave, një inisiativë e mazhorancës, duke e gjykuar sërish parlamentin si jolegjitim.
“Jam i qartë dhe më duket se kam sqaruar se çdo prekjeje e njëanshme e Kushtetueses, nga një parlament jokushtetues është e papranueshëm, është përpjekje për të asgjësuar shtetin e së drejtës, demokracisë dhe të ardhmen europiane”, theksoi presidenti.
Haxhi Qamilin, Meta më pas e rissolli në kujtesë teksa hodhi paralele mes kësaj figurë dhe Edi Ramës, duke kërcënuar këtë të fundit që mos guxojë të ndërhyjë në Kushtetutë më 30 qershor.
“Mos më bëni mua përgjegjës për njerëz që nuk kontrollojnë dot dozat e optimizmit të tyre. Edhe Haxhi Qamili doli kundër perspektivës europiane të Shqipërisë, por të gjithë e dimë si përfundoi. Unë jua thash se kush është kontributi im deri tani.
Kam dhënë një kontribut të rëndësisheme që opozita të tërhiqen nga kushti i qeverisë tranzitore dhe të pranonte të paktën këto standarde minimale, por kush prek 5 qershorin duhet ta dijë se ka nuk ka vetëm 30 korrik, por dhe 31 korrik, 2 gusht dhe jeta vazhdon, por aty ka një datë ku ndahen dy epokat”, theksoi Meta. /tesheshi.com/
