Zvicra është gati të marrë rolin e ndërmjetësit mes Koresë së Veriut dhe SHBA-ve për krizën në gadishullin korean, citohet të ketë thënë presidentja Doris Leuthard, raporton Reuters.
“Ne jemi gati të ofrojmë rolin tonë si ndërmjetës”, tha Leuthard në një konferencë për mediat, duke shtuar se “është koha të ulemi në një tavolinë. Fuqitë e mëdha kanë përgjegjësi”.
Trupat zvicerane u vendosën në zonën e demarkacionit midis Jugut dhe Veriut pas Luftës së Koresë në 1950-1953, tha Leuthard, duke shtuar se Zvicra ka një histori të gjatë të diplomacisë neutrale.
“SHBA dhe Kina janë gjithashtu përgjegjëse për trajtimin e krizës koreane. Ne duhet të gjejmë se ku mund të takohen ministrat e jashtëm të Koresë Veriore dhe SHBA-ve”, tha Leuthard. /tesheshi.com/
