Përplasja huliganeske greko-kroate: pse s’po gjendet ende vrasësi i tifozit të AEK-ut?

Autoritetet greke nuk po munden ta gjejnë dot se kush e vrau tifozin e AEK-ut natën e trazirave para stadiumit në Athinë, para ndeshjes me Dinamon e Zagrebit. Me dhjetra tifozë kroatë po mbahen në paraburgim, gjë që ka çuar dhe në një marrëdhënie të tendosur mes Greqisë dhe Kroacisë, dy anëtarë të BE-së, por ende nuk po shkohet te vrasësi konkret.

Së fundi, nëna e tifozit 29-vjeçar Michalis Katsouris, ka folur për humbjen e djalit të saj.

Ajo tha se do vetëm drejtësi tashmë që ka humbur fëmijën e saj.

“Në të gdhirë më gjeti motra në oborr dhe më tha: ‘Djalin e kanë rrahur keq’. Shkova në spital dhe aty u çmenda. Ishte një fëmijë me personalitet, me besim, lexonte Ungjillin, e donte AEK-un”, tha ajo.

Ajo thotë se atë ditë Mihalis u kthye nga puna, pushoi dhe tha se do të shkonte në një kafene përballë stadiumit të AEK-ut. Në mëngjes ai kishte vdekur.

“Do të preferoja të vdisja me fëmijën tim. Jeta ime u ndal kur humba fëmijën tim. Tani shkoj në varreza dhe i ndez një qiri“, tha nëna e Mihalis.

Siç thotë ajo, beson se do të gjenden ata që i vranë djalin.

“Vrasësi i tij do të gjendet. Ai do të gjendet besoj. Kanë ardhur nga një vend i huaj për të vrarë fëmijën tim”, tha ajo duke iu referur tifozëve kroatë dhe shto:

“Ai që më morri fëmijën tim nuk do të mbetet pa u ndëshkuar”.

 Media greke shkruan se mostrat e para të ADN-së të mbledhura nga rrobat dhe trupi i Michalis Katsouris nuk çojnë në një kod specifik gjenetik dhe se hetuesit tani janë duke u fokusuar në pamjet e trazirave para stadiumit të AEK-ut.

Siç raporton ERT greke, autoritetet ende nuk e kanë identifikuar vrasësin, por kanë konstatuar se ai ka një tatuazh në qafë. Deri më tani ata nuk kanë qenë në gjendje të identikitin.

Mediat greke raportojnë se policia do të përdorë softuer të posaçëm në hetimin që mat karakteristikat biometrike, pasi shumica e autorëve në video janë të veshura me rroba të zeza dhe fytyrat e tyre janë tërësisht të mbuluara.

Me këtë softuer special mund të matet biometria e trupit të një personi, e cila do të ndihmojë në përcaktimin e vrasësit të tifozit 29-vjeçar të AEK-ut. /tesheshi.com/