Vazhdon e rëndohet bilanci i tragjedisë së ndodur në Italinë e jugut ku dy trena janë përplasur me njëri-tjetrin.
Sipas mediave italiane bëhet fjalë për 11 të vekur deri tani dhe për dhjetra të plagosur.
Viktimat kanë qenë studentë që udhëtonin me trenat rajonalë duke shkuar në universitetet e rajonit të Puglia-s.
“Besoj se ka shumë të vdekur”, ka deklaruar komandanti i seksionit të Rojave Ubrane të lokalitetit të Andrias, Riçardo Zingaro.
Ai shtoi se “Ka qenë një përplasje ballore në një binar të vetëm, disa vagonë janë shkatërruar dhe ekipet e shpëtimit po nxjerrin trupat e bllokuar. Druhem se ka ende të vdekur, por ka edhe shumë të plagosur”.
Incidenti ka ndodhur në një fshat mes lokaliteteve Ruvo dhe Korato. Nga rrënojat ekipet e shpëtimit kanë nxjerrë një fëmijë fare të mitur, që për fat të mirë ka qenë ende në jetë dhe është transportuar me helikopter në spital.
Secili nga trenat përbëhej nga katër vagonë. Në aksident janë përfshirë dy vagonët e parë të secilit prej mjeteve hekurudhore.
/tesheshi.com/
