Presidenti Thaçi është përfshirë në një përplasje në distancë me Vjosa Osmanin, kryetaren e Kuvendit, një ndër më të ashprat kundër tij në politikë.
Sipas Thaçit, Osmani, apo më saktë familjarë të saj, kanë bashkëpunuar me serbët.
“Po të isha në vend të Osmanit do të isha djersitur. Do të flas shumëçka nëse ajo vazhdon të shpifë”, ka thënë Thaçi në Rubikon.
Ka reaguar Osmani, dukee cilësuar “Gjarpër”, një pseudonim politik i Thaçit
“Sonte, gjarpri paska provuar të kafshojë nderin e familjes sime. Babai im e ka njohur për Komandant suprem Dr.Ibrahim Rugovën. Me gjasë, prandaj, Thaçi po e shpallë familjen time tradhtare, njëjtë siç e shpallte Rugovën me komunikatat e tij të 90-tës e tutje. T’i shërbesh vendit tënd duke e njohur Rugovën si prijës, sipas Thaçit qenka sikur t’i shërbesh Serbisë. Shpallja e kundërshtarëve politik si bashkëpunëtorë të Serbisë i ka paraprirë gjithnjë sulmeve fizike e eliminimeve. E njëjta logjikë, si duket, po synohet të instalohet tash për të arsyetuar sulme të paramenduara e parapërgatitura”, shkroi Osmani. /tesheshi.com/
