Nga Blendi Gashi
I nominuari për kryeministër nga Vetëvendosje, Albin Kurti në seancën e sotme të Kuvendit përveç përplasjes me kreun e PDK-së, Kadri Veseli nuk e ka kursyer as kreun e LDK-së, Isa Mustafa, duke thënë se ky i fundit edhe pse është i autorizuar nga partia të bisedojë me Vetëvendojen për të arritur marrëveshje për bashkëqeverisje, por ai nuk ka bërë asgjë deri më tani pasi janë takuar vetëm një herë.
Sipas Kurtit kjo vonesë në krijimin e institucioneve po i shkon për shtati Mustafës pasi po vazhdon të mbajë postin e kryeministrit.
“Nëse nuk është takuar asnjëherë me PDK-në dhe vetëm njëherë me ne për çfarë bisedime bëhet fjalë”, ka thënë se Kurti, ndërsa hapur i bëri thirrje Mustafës për bashkëpunim duke thënë se vendi ka nevojë për institucione të reja.
Por kjo deklaratë e Kurtit aspak nuk i ka pëlqyer LDK-së, eksponentw tw sw cilws thonë se një sjellje e tillë vetëm sa e largojnë bashkëpunimin e mundshëm mes tyre.
Për më tepër LDK ka qëndrim të njëjtë si kreu i saj ku ja bën të qartë Kurtit se nuk mund të ketë një bashkëpunim mes tyre pa u deklaruar Vetëvendosje për sulmet brenda e jashtë Kuvendit si dhe për çështjen e 70 dosjeve të dërguara në prokurori.
“Rruga e vetme e bashkëpunimit me ne është që të kërkojnë falje për të gjitha veprimet qe i kanë bërë kundër nesh. Duhet të deklarohen që të gjitha ato veprime ishin për të ardhur në pushtet. Rruga e vetme bashkëpunimit me ne është deklarimi për sulmet brenda dhe jashtë Kuvendit të Kosovës. Si të bashkëpunohet me njerëz që kanë dorëzuar mbi 70 dosje në Prokurori”, tha Hoti në një konferencë për media të mbajtur sot, ku bëri të ditur se LDK nuk merrë pjesë më në seanca pa pasur një marrëveshje mes partive.
Ndaj fjalimit të Kurtit ka reaguar edhe deputeti tjetër i LDK-së, Lumir Abdixhiku i cili thotë se sjelljet e veç sa e largojnë bashkëpunimin mes LAA dhe VV-së.
“Ne kemi pritur që mos të bimë në provokime të PAN-it për të hapur konflikte të brendshme. Por ftoj Vetëvendosjen që të shmanget nga goditjet e ulëta ndaj Lidhjes Demokratike të Kosovës siç bëri sot Albin Kurti”, ka thënë ai.
Pas kësaj përplasje të re VV-LDK dhe këmbëngulësisë që partia e Kurtit të kërkojë falje për sulmet ndaj Mustafës dhe të tërheqw dosjet ndaj tij, vështirë se mund të ketë një bashkëpunim qeverisës mes tyre dhe kështu përfundimisht i çelin rrugë PAN-it që ende të blejë kohë për të bërë numrat e nevojshëm për të votuar Veselin për kryekuvendar e Haradinajn për kryeministër. /tesheshi.com/
