Një aksident i rëndë ka ndodhur në orët e mbrëmjes të ditës së shkuar në Kazakistan. Plasja e një gome të një kamioni ka rezultuar tragjike, ndërsa mjeti ka kaluar në anën e kundërt të rrugës dhe është përplasur me një autobus.
Më së paku gjashtë pasagjerë kanë humbur jetën e 30 të tjerë janë plagosur nga përplasja fatale. Aksidenti ndodhi në Zhitikara, në rajonin veriperëndimor Kostanaj të Kazakistanit.
Një zyrtar i policisë lokale i deklaroi agjencisë së lajmeve TASS se ende nuk është bërë identifikimi i viktimave.
Autobusi kishte 43 pasagjerë në momentin e përplasjes; mes të plagosurve ishin qytetarë rusë, kazakistanas dhe taxhikistanas. /tesheshi.com/
