Një automjet që vinte nga Shqipëria ka përplasur dy makina të policisë greke dhe ka tentuar të largohet, por është ndaluar pak metra më tutje.
Shtetasi shqiptar i moshës 33 vjeç, identiteti i të cilit nuk bëhet i ditur, u kap me 5 klandestinë në makinë të cilët ishin futur në Greqi ilegalisht.
“Një automjet qe vinte nga kufiri shqiptaro-grek nuk i bindet policise në fshatin Likostomo, Janinë. Shton shpejtësinë, godet dy automjete policie dhe largohet.
Mjeti u ndoq nga policia dhe u arrit të kapej në km 145 të aksit Janinë-Trikalla. Drejtuesi tentoi të largohej me vrap, por u arrestua.
Ai është shqiptar 33 vjeç. Brenda në mjet u gjetën 5 klandestinë shqiptare të moshes 28, 30, 31 dhe 60 vjeç, të cilët ishin futur ilegalisht në Greqi dhe kishin paguar 750 euro në total për t´u transportuar deri në Janinë nga shqiptari 33 vjeç, pasi kishin urdhër-ndalimi për të hyrë në territorin Schengen. U sekuestrua makina, 3580 euro dhe 6 celularë”, thuhet në një njoftim paraprak./tesheshi.com/
