Andreas G. Lammel quhet përpjekja e fundit e CDU-së së Merkelit për të nxjerrë nga opozitën çadra dhe për ta futur në zgjedhje.
Zyrtari gjerman ka ardhur prej dje në Tiranë, në një vizitë të pa bërë publike, duke ndërmarrë takime me Bashën dhe krerë të partive të vogla rreth tij, dhe biseduar me ta rreth kërkesave që kanë karshi mazhorancës, si kusht për pjesëmarrje në zgjedhje.
Ai mësohet t’u ketë thënë atyre që ta përgatisin vetë një paketë propozimesh të shkruara, që më pas t’i negociojë ato me Ramën. Por Lamel u ka vënë një kusht: që në to mos ketë kërkesa maksimaliste; që do të thotë se duhet shmangur ajo për dorëheqjen e kryministrit.
Gjithashtu, i dërguari i radhës i Merkelit i ka qartësuar se kjo do jetë përpjekja e fundit, pasi dhe pak muaj e CDU do përfshihet vetë në fushatë zgjedhore, gjë që nuk do mund t’i jepte komoditetin për t’u marrë dhe me çështje shqiptare.
Kujtojmë se javë më parë në Tiranë erdhën dy të njerëzit më të fuqishëm afër Merkelit, Gabriel dhe MCallister, që nuk mundën dot ta bindin Bashën të dilte nga çadra, edhe pas shumë lëshimeve të Ramës. /tesheshi.com/
