Maroku mundi 1:0 Portugalinë në çerekfinale të Kupës së Botës me golin e Youssef En-Nesyri në minutën e 42-të. Mjaftoi ai gol që vendi i dytë iberik pas Spanjës, me të njëjtin fat nga i njëjti ekip, të eliminohet dhe kapiteni i saj Cristiano Ronaldo të përfundojë në lot.
Një ditë pas ndeshjes, Ronaldo u shpreh në rrjetet sociale:
“Fitimi i Kupës së Botës me Portugalinë ishte ëndrra më e madhe dhe ambicia më e madhe e karrierës sime. Pata fatin të fitojë shumë tituj ndërkombëtarë, përfshirë edhe Europianin(2016), por ëndrra ime më e madhe ishte të ngrija emrin e vendit tonë majën më të lartë të botës. Luftova gjithnjë për këtë ëndërr.
Në pesë paraqitjet që kam pasur në kampionatin botëror gjatë 16 viteve, gjithmonë me shokë të mirë të skuadrës dhe mbështetjen e miliona portugezëve, kam bërë më të mirën. Dhashë gjithçka në fushë. Unë kurrë nuk kam ikur nga një luftë dhe kurrë nuk kam hequr dorë nga ajo ëndërr. Fatkeqësisht, ëndrra përfundoi dje.
Nuk ia vlen të reagosh nxehtë. Thjesht dua që të gjithë ta dinë se shumë është thënë, shumë është shkruar, shumë spekuluar, por angazhimi im ndaj Portugalisë nuk ka ndryshuar për asnjë moment. Unë kam qenë gjithmonë më shumë një person që ka luftuar për kauzën e të gjithëve dhe kurrë nuk do t’u ktheja shpinën shokëve të skuadrës apo vendit tim.
Nuk ka asgjë më shumë për të thënë tani për tani. Faleminderit Portugali! Faleminderit Katar! Ëndrra ishte e bukur sa zgjati… Tani është koha që të gjithë të nxjerrin përfundimet e tyre”, ka shkruar Ronaldo. /tesheshi.com/
