Numri i njerëzve të vdekur pas shirave të rrëmbyeshëm në Japoni ka shkuar në 64 sosh. Lumenjtë kanë dalë nga shtrati dhe kanë përmbytur gjithçka duke detyruar që me mijra njerëz të lënë shtëpitë e tyre.
Shirat kanë goditur pjesët perëndimore të Japonisë me tre herë më shumë rreshje se zakonisht në korrik, duke shkaktuar dhe rrëshqitje toke.
“Kurrë nuk kemi përjetuar këtë lloj shiu”, tha një zyrtar i Agjencisë Meteorologjike Japoneze (JMA).
“Kjo është një situatë jashtëzakonisht e rëndë “, shtoi ai.
Qeveria japoneze ka ngritur një qendër për menaxhimin e situatës në zyrën e Kryeministrit, dhe rreth 54,000 forca njerëzore nga radhët e ushtrisë, policisë dhe zjarrfikësit janë dërguar në terren. /tesheshi.com/
