Përmbytjet dhe rrëshqitjet e tokës në verilindje të Japonisë kanë detyruar më shumë se 90 mijë njerëz të braktisin shtëpitë, drejt vendeve më të sigurta.
Qyteti Joso në very të kryeqytetit Tokio është goditur nga një mur uji pasi lumi Kinugawa doli nga shtrati. Ekipet e emergjencës nisën operacionet e shpëtimit me helikopter për të marrë njerëzit e bllokuar në çatitë e shtëpive.
12 persona raportohen të lënduar, ndërsa një person rezulton zhdukur.
Shirat vijnë pas erës së fuqishme të stuhisë tropikale me shpejtësi 125 kilometra në orë që përfshiu zonën. Agjencia e parashikimit të motit tha se sasia e shirave të rëna ka qenë e paprecedent.
Bëhet fjalë për një situatë jo normale, dhe që përbën rreik urgjent. Zonat më të prekuara janë në nivelin më të lartë të alarmit.
Edhe prefekturat e afërta janë në alarm evakuimi ndërsa mijëra njerëz janë bërë gati për të lënë shtëpitë, sapo të sinjalizohen nga autoritetet. /tesheshi.com/
