“Kur uji filloi të ngrihej, ai u shfaq si një valë”, tha Guillermo Serrano Perez. “Ishte si një cunami”.
21-vjeçari nga Paiporta, pranë Valencias, është një nga mijëra personat që përjetuan përmbytje të shpejta që goditën rajonin më 29 tetor dhe morën të paktën 95 jetë. Ai ishte duke udhëtuar në autostradë me prindërit e tij kur papritur uji filloi të vërshonte në rrugë. Ata mbijetuan duke u ngjitur në një urë dhe duke braktisur makinën e tyre para vërshimit të ujërave.
Edhe pse shiu i dendur ra për orë të tëra, shumë, si Guillermo dhe familja e tij, nuk e prisnin forcën e përmbytjes.
Të martën në mëngjes, 29 tetor 2024, rreth orës 07:00 të mëngjesit, agjencia meteorologjike spanjolle Aemet paralajmëroi për reshje të dendura shiu në rajonin e Valencias.
“Kini shumë kujdes! Rreziku është ekstrem! Mos udhëtoni nëse nuk është absolutisht e nevojshme,” tha X, i ndjekur më vonë nga një “lajmërim maksimal i kuq”. Gjatë ditës, u lëshuan më shumë paralajmërime, duke u kërkuar autoriteteve lokale që të parandalojnë njerëzit të afrohen në brigjet e lumenjve.
Dhe në orën 15:20, qendra rajonale e urgjencës publikoi imazhe të rrugëve të përmbytura në komunat La Fuente dhe Utiel, në perëndim të Valencias. Disa orë më vonë lumenj të shumtë u fryn dhe qytetarëve iu kërkua që të qëndrojnë larg brigjeve. Megjithatë, në shumë vende ishte tashmë tepër vonë.
Çiva, e vendosur rreth 20 km larg, ishte ndër qytetet e para që përjetoi përmbytje të mëdha. Një përroskë e thellë që përshkon qytetin filloi të mbushet me ujë gjatë pasdites pas reshjeve të mëdha. Nga ora 18:00, rrugët e qytetit ishin shndërruar në lumenj të furishëm, me ujin që merrte me vete makinat, shtyllat e ndriccimit të rrugëve dhe stolat. Shërbimet e urgjencës u përpoqën të ofrojnë ndihmë, por shpejtësia me të cilën uji përmbyti rrugët ishte e pamasë. Sipas raportimeve, më shumë se 70 persona kanë vdekur, ndërsa dhjetëra janë ende të zhdukur. “Papritmas ra një shi shumë i fortë… dhe uji u rrit me një metër ose një metër e gjysmë brenda pak minutash”, tha kryebashkiaku i Riba-roja de Turia.
Just absolutely terrifying scenes from Chiva, the home of the Valencia Grand Prix. Praying that everyone is OK pic.twitter.com/3O0Xm0uLUQ
— Simon Patterson (@denkmit) October 30, 2024
Ndërkohë, pati raportime për persona të zhdukur në rajon, por mbrojtja civile nuk u dërgoi një paralajmërim banorëve të Valencias për të shmangur rrugën deri më shumë se dy orë më vonë, pas orës 20:00. Shumë venë në pikëpyetje afatin kohor të këtij paralajmërimi, i cili erdhi më shumë se 12 orë pas alarmit të parë të kuq të Aemet.
Una gran persona jamás abandona a su mascota. Ni con el agua al cuello inundándose su casa en Valencia mientras la rescatan.
Toda mi admiración👏🏻 pic.twitter.com/d4uO8EzLft— Fran Navarro (@fran_navarr0) October 30, 2024
Paco ishte në rrugën e tij nga Valencia në Picassent kur u befasua nga përmbytjet e shpejta që përmbytën rrugët. “Shpejtësia e ujit ishte e pabesueshme”, tha ai për El Mundo. “Kam arritur të dal nga makina, por nuk munda të lëvizja”. Patricia Rodríguez, e cila po kthehej në shtëpi nga Sedavi, u kap gjithashtu nga përmbytja. “Ne kishim frikë se lumi do të dilte nga brigjet e tij, ishim në prag të katastrofës”, tha ajo.
Rrjetet sociale tashmë janë kthyer në një platformë për ndarjen e imazheve të kaosit. /tesheshi.com/
