Kanë dalë konfirmimet e para në lidhje me mbytjen e javës së shkuar të një anije me qindra migrantë në detin Mesdhe. Lajmi raportohet nga Guardian, e cila citon dëshminë e disa të shpëtuarve të raportuar nga Unhcr, agjencia e OKB-së për refugjatët.
Guardian specifikon se varka me në bord rreth 500 persona ishte nisur nga Libia, dhe jo nga Egjipti siç u raportua në disa media, në drejtim të Italisë. Migrantët mendohet të kenë qenë nga Somalia, Sudani, Etiopia dhe Egjipti.
Një zëdhënës i lartë i komisariatit të Kombeve të Bashkuara për refugjatët ka dhënë lajmin që qarkulloi fillimisht në BBC dhe në media të tjera gjatë ditës së martë, në bazë të rrëfimeve të disa migrantëve që kishin shpëtuar në Mesdhe dhe kishin arritur të mbërrinin në Kalamata të Greqisë. Ata kanë folur për të paktën 500 veta të vdekur.
Këta 41 persona me origjinë nga Somalia, Sudani dhe Etiopia, 37 meshkuj, 3 femra e një fëmijë 3-vjeçar, kanë treguar për “një përmbytje të madhe që ndodhi në Mesdhe, si pasojë e së cilës ndërruan jetë 500 persona”. Kështu ka deklaruar Carlotta Sami, zëdhënëse e Unhcr për Europën Perëndimore. /tesheshi.com/
