Parisi po goditet nga një përmbytje katastrofike e tipit “një herë në shekull”, që do të lë qytetin të zhytur dhe të shkatërrojë ekonominë franceze, paralajmërojnë ekspertët.
Kjo për shkak se lumi Sena arriti nivelet mbi 5 metra dhe detyroi qindra qytetarë të iknin nga shtëpitë e tyre.
Përmbytjet pritet të arrijnë kulmin e tyre këtë fundjavë, me arritjen e nivelit të lumit në 6 metra, shumë më i ulët se përmbytja e madhe e vitit 1910, kur lumi u ngrit në 8 metra, por planifikuesit urbanë kanë paralajmëruar për pashmangshmërinë e një përmbytjeje të madhe.
Sipas Institutit të Planifikimit Urban të kryeqytetit francez, një përmbytje në shkallën e katastrofës së vitit 1910 do t’i kushtonte rajonit 17.5 miliardë funta. OECD tha se do të kushtonte më shumë se 26 miliardë funta.
Charles Baubion, një analist i politikës së menaxhimit të riskut në OECD, tha se qyteti është “i papërgatitur” për përmbytjen masive që do të vijë në mënyrë të pashmangshme.
Duke folur për The Local, ai shtoi: “Në fund të ditës, kjo përmbytje e shekullit do të ndodhë një ditë”.
Në vitin 2013, Instituti i Planifikimit Urban lëshoi një raport alarmant që shpjegonte pashmangshmërinë e përmbytjes “1 herë në 100 vjet”.
Në atë kohë, Serge Garrigues, sekretari i përgjithshëm i Zonës së Mbrojtjes së Parisit, paralajmëroi se pyetja e vetme që shtrohet është: kur do të godasë fatkeqësia natyrore qytetin. /tesheshi.com/
