Përmbytet anija në Bukuresht, shtatë të vdekur e dhjetëra të zhdukur

Të paktën shtatë persona kanë vdekur dhe 19 janë zhdukur pasi një anije u përmbyt në lumin Danub në kryeqytetin hungarez Budapest, njofton media shtetërore.
Tridhjetë e tre vetë, kryesisht turistë nga Koreja e Jugut, ishin në bordin e anijes kur ajo u godit nga një anije tjetër teksa ishte duke u ankoruar, tha agjensia e lajmeve MTI.
Incidenti ndodhi të mërkurën rreth orës 22:00 të orës lokale (20:00 GMT).
Anija që u mbyt u identifikua si “Hableany”, ose “Mermaid”. Ajo kishte dy kuverta me kapacitet prej 45 personash për udhëtime të vogla.
Ministria e jashtme e Koresë së Jugut konfirmoi se 19 koreanë llogariten të zhdukur dhe thanë se qeveria kishte planifikuar të dërgonte një ekip të zyrtarëve në Hungari, duke shtuar se një linjë telefonike e këshillimit do të vihej në dispozicion të familjeve të viktimave.
Duke folur në një konferencë për shtyp në kryeqytetin e Koresë së Jugut, Seul, zëdhënësi i agjencisë së udhëtimit që organizoi turneun e grupit, Lee Sang-moo, tha se të paktën një fëmijë ishte ndër të zhdukurit.
Lumi Danub, një atraksion i dashur për turistët, u rrit për shkak të reshjeve të mëdha, duke shkaktuar rryma të forta. /tesheshi.com/