Së paku 19 pelegrinë vdiqën e 25 të tjerë u plagosën kur autobusi i mbushur me egjiptianë u përmbys në rrugën mes Medinës dhe Mekës në Arabinë Saudite.
Ministria egjiptiane e Turizmit lajmëroi për 19 pelegrinë egjiptianë të vdekur e 15 të tjerë të plagosur në aksidentin tragjik.
Ndërsa zëdhënësi i Gjysmëhënës së Kuqe saudite njoftoi se të gjithë ata që gjendeshin në autobus ishin nënshtetas të një vendi arab, përjashtuar shoferin që ishte aziatik.
Mes pasagjerëve gjenden dhe dy fëmijë, gjithnjë sipas Ministrisë egjiptiane të Turizmit. Pelegrinët po kryenin umren, që ndryshe haxhit, mund të bëhet në çdo kohë.
Autobusi ishte në rrugën drejt Medinës, dhe sipas autoriteteve rrugore vendase, shoferin mund ta ketë zënë gjumi.
Aksidenti i sotëm pason një të ngjashëm pak më herët, kur 16 pelegrinë palestinezë humbën jetën kur autobusi i tyre u pëplas në jug të Jordanisë, ndërsa ata po udhëtonin nga Bregu Perëndimor për në Arabinë Saudite. /tesheshi.com/
