Një autobus në të cilin udhëtonin studentë universitarë është përmbysur në Brazil, në rrugën përgjatë detit Mogi-Bertioga në San Paolo. 16 persona kanë ndërruar jetë dhe 30 të tjerë janë plagosur. Në autobus udhëtonin 46 persona. Pjesa më e madhe ishin studentë që ktheheshin nga universitete të ndryshme për në Sao Sebastiao, një qytet pranë detit në Sao Paolo.
Aksidenti ka ndodhur në orën 23 me orën lokale (4 i mëngjesit me orën tonë) dhe policia është duke hetuar për të zbardhur shkaqet. Sipas disa dëshmitarëve, shoferi humbi kontrollin e mjetit në kthesë, automjeti u batua e më pas ra në një humnerë që ndodhet anës autostradës. Nga 16 viktimat, 15 prej tyre vdiqën në vend, ndërsa një u transportua në spital, por nuk arriti të shpëtonte.
Studentët vinin nga tre shkolla në qytetin Mogi das Cruzes. Kushtet atmosferike nuk ishin të mira, duke marrë parasysh se ishte natë, errësirë dhe në rrugë kishte mjegull. /tesheshi.com/
