Kjo javë ishte mjaft ekstreme në Britani të Madhe, ku tema e Brexitit ka shtrirë përtokë partinë në pushtet.
Konservatorët u përballën dje me dezertime e deri te fyerjet, në përpjeke për të çuar përpara procesin për dalje nga BE-ja, qoftë edhe pa marrëveshje.
Rrjeti britanik i lajmeve BBC thotë se nuk është e nevojshme për gjetje të termave “superlativ” pasi i gjithë takimi ishte i theksuar në kundërshtime e përplasje.
1) Shtyrja e Brexit-it “shpartallon” Përfaqësuesit e Parlamentit
Nuk ka dyshim se e ishte një lëvizje e menduar mirë “rebelimi i Brexit-erëve” ndaj kryeministrit Boris Johnson.
Kjo lëvizje po konsiderohet se është kryer gjysma e punës sa i përket ose pezullimit të Brexit, ose arritjes së marrëveshjes lidhur me daljen.
Memorandumi i tyre – i cili do të detyronte kryeministrin të kërkonte shtyrje të dalës në rast se nuk bëhet marrëveshje deri më 19 tetor, ishte miratuar nga të gjithë Ministrat.
Në emër të përfaqësuesve të Partisë Laburiste. Hilary Benn tha se qëllimi i partisë së saj është që të mos dilet pa marrëveshje.
Duke e parë veten si të mposhtur, Johnson deklaroi se ka mbetur vetëm një opsion: zgjedhjet e përgjithshme, të parakohshme.
2) Megjithatë, nuk ka zgjedhje… ende!
Boris Johnson i duheshin votat e dy të tretave të deputetëve për të thirrur zgjedhje, por thirrja e tij dështoi.
Kritikët thonë se kjo ndodhi pasi partitë opozitare nuk i besojnë atij.
Madje, kreu i opozitës, Jeremy Corbyn thotë se këto rrethana do t’u hidhnin benzinë zgjedhjeve, qëndrim që e mbajnë edhe Liberal-demokratët.
Por votuesit nuk duhet fjetur qetë, pasi votime mund të ketë. Në fakt, ato janë të paevitueshme.
Tani, z. Johnson ka humbur më shumë se 20 deputetë, qeveria e tij nuk mund të qëndrojë në këmbë.
Pra, teorikisht dhe praktikisht është një çështje kohe.
3) Përgjigjet e para të Johnson si kryeministër
Pak orë para “shfaqjes” që u dha në parlament, Boris Johnson u desh t’i përgjigjet pyetjeve tradicionale që të gjithë anëtarët e parlamentit kanë të drejtë t’ia shtrojnë.
Kjo situatë ishte mjaft e nxehtë mes Johnson dhe Corbyn, ku të dyja palët shkëmbenin pyetje dhe përgjigje me një ashpërsi “pingpongu”.
Lideri i laburistëve vazhdimisht e përsëriste kërkesën për detaje lidhur me planin e negocimit me BE-në, por detaje nuk mori.
Përkundrazi, përgjigja që vazhdimisht merrte lideri i laburistëve ishte mbështetja e zgjedhjeve për 15 tetorin, gjë të cilën nuk e mori.
4) Një ankesë për burkën… por pa kërkim falje
A mund ta imagjinoni, momenti më dramatik i seancës pyetje-përgjigje nuk kishte të bënte asgjë me Brexit-in.
Përfaqësuesi i laburistëve, Tanmanjeet Singh Dhesi, kërkoi që kryeministri të kërkoj falje për komentet që ai i kishte bërë në një artikull ku i konsideronte gratë muslimane si kuti postare.
Kërkesa e tij u përcoll me aplauza të mëdha nga të gjithë, por Johnson nuk kërkoi falje, edhe kur skandali i tij iu hodh për fytyre.
5) Lamtumirë nga “rebelët” konservatorë
Sëpata preu mprehtë të martën në mbrëmje, kur parlamentin e mundën 21 konservatorë që dezertuan nga partia konservatore, shumë prej tyre me përvojë disa dekada në politikë.
Ata u larguan nga partia përgjithmonë nga ana e Johnson, madje edhe u quajtën “frikacak” nga vet ai.
Për Sir Nicholas Soames – nip i Sir Winston Churchill – Johnson as që iu dridh qerpiku kur po i rrëshqisnin deputetët nga duart, një nga një.
Ai u tha kolegëve të tij se po del nga parlamenti me kokën lartë, falë bindjes se po bën diçka të mirë për përfaqësuesit e votës së tij. /tesheshi.com/
