Lee Keum-seom është një grua 92-vjeçare që jeton në Korenë e Jugut. Djali i saj jeton në Korenë e Veriut dhe është 72 vjeç.
Të hënën, kjo nënë e pa djalin e saj për herë të parë pas 68 vjetësh, kur për herë të fundit e kishte parë kur ishte 4-vjeç.
Ndodhi kjo në vendpushimin turistik të Koresë së Veriut në malin Kumgang, ku u organizua një tubim çmalljeje mes Koreve.
Të dy liderët koreanë ranë dakord për një seri takimesh të reja gjatë samitit të parë të përbashkët në prill, pas disa vitesh ndërprerjeje
“Unë nuk mund të imagjinoja se do vijë kjo ditë. Nuk e dija ishte gjallë apo i vdekur”, tha Lee, e cili e humbi bashkëshortin dhe djalin e saj në një situatë paniku gjatë luftës koreane, duke u përpjekur të shpëtonin.
Rreth 330 njerëz të Koresë së Veriut nga 89 familje, shumë prej të cilëve në karrige me rrota, takuan me 185 të afërm nga Koreja e Jugut, duke u shkrehur në lot e ngashërimë. Ata nuk ishin parë për më shumë se 60 vjet. /tesheshi.com/
